¡Afayáivos!

San Lorenzo1

Col envís de promocionar el llibru y la llectura na nuestra ciudá, sofitando l’actividá de les editoriales asturianaes y el comerciu de les llibreríes xixoneses, el Conceyu de Xixón punxo en marcha la celebración d’una feria del llibru. Na so organización, encamentada a la Fundación Municipal de Cultura, Educación y Universidá Popular, collaboren l’Asociación Cultural de Libreros de Xixón, el Club de Editores al Margen, l’ Asociación de Escritores Noveles, l’Asociación de Escritores de Asturias y la Unión de Comerciantes de Principado de Asturias.

Esta primer edición de la Feria del Llibru de Xixón va tener llugar ente los díes 15 y 18 de xunu nel Paséu de Begoña. Va haber nél 40 puestos de venta nos que van participar 23 llibreríes xixoneses y 20 editoriales, cásique toes elles asturianes. La Rede Municipal de Biblioteques va tener tamién el so propiu puestu pa dar a conocer los servicios municipales rellacionaos cola llectura.

Paseo Begoña

A lo llargo de la feria va desarrollase un bayurosu programa de actividades que van tener llugar nel propiu Paséu de Begoña (nuna carpa instalada pa esti eventu y nel quioscu de la música), nel Café Dindurra y nel Centru de Cultura Antiguu Institutu.

Anuncios